Þema leikskólans fyrir leikskólaárið 2008 - 2009 er:

• 2ja ára börn: Ég sjálf/ur, lífsleikni
• 3ja ára börn: Ég sjálf/ur, lífsleikni
• 4ra ára börn: Ég sjálf/ur, fjölskyldan, lífsleikni
• 5 ára börn: Undirbúningur fyrir grunnskólanám og bærinn minn Reykjanesbær.

Einnig verður unnið með markvissa málörvun í öllum aldurshópum. Þar sem markmiðið er að barnið fái tækifæri til að tjá hugsanir sínar,
tilfinningar og skoðanir. Að efla málskilning, málnotkun, orðaforða og hugtakaskilning barna og efla markvisst hljóðkerfisvitund barnanna
og búa þau þannig undir lestrarnám. Ásamt því að efla markvissa hreyfingu og allt annað sem fylgir í skipulagi og starfsemi skólans daglega.

Lífsleikni spilar mikinn þátt í öllu daglegu lífi. Þar sem hæfni til samskipta er grundvöllur þess að lifa, starfa og leika sér með öðrum í sátt og
samlyndi, þarf barnið að læra að vera virkur og ábyrgur þátttakandi í lýðræðisþjóðfélagi. Komum við til með að halda áfram með að styðjast við þróunarverkefnið sem leikskólarnir Krógaból, Síðusel og Sunnuból á Akureyri unnu og heitir Lífsleikni í leikskóla. Verkefnið hófst í ágúst 2001 og því
lauk 2004. Dr. Kristján Kristjánsson, prófessor við Háskólann á Akureyri var faglegur ráðgjafi við verkefnið og Sigríður Sita Pétursdóttir ráðgjafi við skólaþróunarsvið Háskólans á Akureyri var ráðin verkefnastjóri. Þróunarverkefnið er þannig uppbyggt að unnið er með dyggðirnar sem eru vingjarnleiki, virðing, hófsemi, glaðværð, hugrekki, hjálpsemi, þolinmæði, sköpunargleði, kurteisi, áreiðanleiki, samkennd og ábyrgð. Dyggðin er útskýrð fyrir leikskólakennaranum og svo koma umræðupunktar fyrir börnin í lokin á hverjum kafla fyrir sig.